இதோ
உடல் சில்லிட்டுக் கொண்டிருக்கிறது
உலர்ந்து கொண்டிருக்கும் உதடுகளை
வெறித்துக் கொண்டிருக்கும் கண்களை
வெளிறிக் கொண்டிருக்கும் முகத்தை
சிக்கிக்கொண்டிருக்கும் வார்த்தைகளை
மங்கலாகிக் கொண்டிருக்கும் நினைவுகளை
ஊசலாடிக் கொண்டிருக்கும் உயிரை
பெரிதாய் ஒன்றும் செய்ய முடியப்
போவதில்லை
எந்நேரமும் நடக்கலாம்
முடிவடைவதோ
முக்தியடைவதோ
சில கணங்களேனும் நீளுமா
உன் உயிர்ச்சூட்டில்
சுவாசக்காற்றில்
தவித்து உருளும் கண்ணீர்த்துளி
உன்னைச் சேரும் நொடியில்
சூழ்கிறது
மரண நிசப்தம்
