நிகழ்ந்துகொண்டிருக்கிறது
ஏற்றுக்கொண்டே ஆகவேண்டிய
நிதர்சனம் தினம்தினம்
என்றோ தொலைந்துபோயிருந்தது
எல்லா நிகழ்வுக்களுக்கான
நியாயமும்
எப்போதும் போலவே
எதிர்பார்த்திருந்தவைகள் அனைத்தும்
எதிர்பாராவிதமாய்
காலம் மாறத் தேய்ந்துகொண்டிருக்கும்
இழப்பின் வலி கூடுகிறது
மற்றொருமுறையும் கடக்க நேர்கையில்
கழிவிரக்கத்துக்கும் நம்பிக்கைக்குமான
இடைவெளியில் பெருக்கெடுக்கிறது
ஊழியின் வெள்ளம்
மெல்ல அனைத்துமாய்
ஆகிவிட்டிருக்கிறது
எங்கோ குமிழிட்டு
சூழ்ந்த வெறுமையின் இருள்
நன்றி கீற்று.காம்.
வெளியிட்ட தேதி : 09 நவம்பர் 2010.
14 comments:
//காலம் மாறத் தேய்ந்துகொண்டிருக்கும்
இழப்பின் வலி கூடுகிறது
மற்றொருமுறையும் கடக்க நேர்கையில்//
என் மனதை படித்துவிட்டு எழுதியது போல இருக்கு..ஆச்சிரியமாகவும் இருக்கு எப்படி சில நேரம் பலருக்கு ஒரே வித உணர்வு...உணர்ந்து கொண்டு இருப்பதால் வலியான தருணங்கள்..கவிதை அழகா இல்லை இந்த காதல் அழகா?
..கழிவிரக்கத்துக்கும் நம்பிக்கைக்குமான
இடைவெளியில் பெருக்கெடுக்கிறது
ஊழியின் வெள்ளம்
மெல்ல அனைத்துமாய்
ஆகிவிட்டிருக்கிறது
எங்கோ குமிழிட்டு
சூழ்ந்த வெறுமையின் இருள்..
மனதை நெருடிய கவிதை...
வெறுமையின் இருள் மெல்ல விலகும் நம்பிக்கையின் கீற்று உதிக்கும் போது
//என் மனதை படித்துவிட்டு எழுதியது போல இருக்கு..ஆச்சிரியமாகவும் இருக்கு எப்படி சில நேரம் பலருக்கு ஒரே வித உணர்வு...உணர்ந்து கொண்டு இருப்பதால் வலியான தருணங்கள்..கவிதை அழகா இல்லை இந்த காதல் அழகா?//
நன்றி தமிழ்...முதல் பின்னூட்டமே உணர்வுபூர்வமாக...
வலி, ஏமாற்றம், காதல் எல்லாருக்கும் ஒண்ணு தான் போல. அழகானதும்.
நன்றி சங்கவி... நெருடலின் ஒரு வித வெளிபாடு உணர்ந்துகொள்ளபட்டிருக்கிறது!
நன்றி திரு! உண்மை தான். நம்பிக்கையின் கீற்றுக்காக காத்திருப்போம்!
\\நிகழ்ந்துகொண்டிருக்கிறது
ஏற்றுக்கொண்டே ஆகவேண்டிய
நிதர்சனம்//
கிளி எடுத்துப்போட்டு சீட்டைப்போல இது எனக்கு எதுவோ சொல்கிறது.
சூப்பரா இருக்கு பாஸ்
nallaayirukku tholare..
@ முத்து நன்றி..
ஆமா.. எல்லாருக்கும் ஒரே சீட்டு :) :)
@ சதீஷ் நன்றி முதல் வருகைக்கும் பின்னூட்டத்திற்கும்.
@ வெறும்பய நன்றி
// ..கழிவிரக்கத்துக்கும் நம்பிக்கைக்குமான
இடைவெளியில் பெருக்கெடுக்கிறது
ஊழியின் வெள்ளம்//
ஒளிப்பிழம்பாய் வார்த்தைகள்...கவிதை ..கீற்றுவில் வேறு சிம்மாசன மிட்டு இருப்பதில் இன்னும் மகிழ்ச்சி.
//காலம் மாறத் தேய்ந்துகொண்டிருக்கும்
இழப்பின் வலி கூடுகிறது
மற்றொருமுறையும் கடக்க நேர்கையில்//
க்ளாஸ் :)
@ ஜெரி - நன்றீ :)
@ பிரபு - நன்றி!!
குட்டி...இன்றுதான் கீற்றில் பார்த்தேன்.வாழ்த்துகள்.அதன்பிறகுதான் உங்கள் பக்கம் வந்திருக்கிறேன்.
உங்கள் லேபிள் சொல்லும் அத்தனையுமே வலியின் உச்சம்.உணர்வுகள் ஒத்திருப்பதால்தானோ என்னவோ வரிகளையும் ரசிக்கிறேன்.வலிகள் குறைய தொடர்ந்தும் எழுதுங்கள் தோழி !
//உணர்வுகள் ஒத்திருப்பதால்தானோ என்னவோ வரிகளையும் ரசிக்கிறேன்//
ஹேமா - மிக உண்மை. முரண் இருந்தால் ரசிக்க முடியுமா எனபது கேள்விக்குறி தான்.
மிக நன்றி தோழி.
Post a Comment